У межах тыдня роднай мовы вучні пачатковых класаў прынялі ўдзел у музычным марафоне “Мова родная – мова адзіная”.

“Шмат хараства і глыбокага зместу заложана ў беларускай песні, шмат мудрасці, трывогі і радасці, святла і горычы, шчырай любові і праўды. У песнях чуваць, аб чым народ сумуе і да чаго рвецца яго душа.У далёкім мінулым узнікалі розныя песні, якія суправаджалі ўсё жыццё чалавека: калыханкі, дзіцячыя, жартоўныя, гульнёвыя, лірычныя, працоўныя.  Вы ўжо добра ведаеце навошта прызначаліся, напрыклад, калыханкі?”, - звярнулася да вучняў Зялёнка Аксана Аляксандраўна, настаўнік музыкі.

Падчас мерапрыемсва гучалі песні беларускіх паэтаў і кампазітараў, а вучні спаборнічалі ў веданні слоў музычных кампазіцый, вершаваных твораў, на аснове якіх створаны песні.

Наталлля Анішчанка, намеснік дырэктара па ВР
Фота аўтара